حرص الفنان رامز أمير، على طمأنة جمهوره عليه خلال الفترة الحالية بعد إعلان إجراءه عملية جراحية في قدمه نتيجة الألعاب الرياضية الصعبة التي يقوم بها مؤخرا من أجل التدريب والتجهيز لأعماله الفنية المقبلة، مشيرا إلى أنه أصبح بخير بعدما قام بإجراء العملية بنجاح خلال الساعات القليلة الماضية، وسيعود في أقرب وقت ممكن.
ونشر الفنان رامز أمير من خلال حسابه على موقع التواصل الاجتماعي الخاص بالصور والفيديوهات “انستجرام” صورة له من داخل المستشفى عقب إجرائه العملية الجراحية، معلقا عليها: “الواحد فى الأيام دي الكلام ده بيفرق معاه أوى، بيدينى طاقة أكمل عشان أرفع رأس كل واحد آمن بيا”.
وتابع: “شكرا بس والله الكلام ده أكبر منى بكتير وربنا يدينى القوة وابقى اد حبكم وتشجيعكم، أنا بهزر وبضحك بس أكيد اليومين اللى فاتوا، مكانوش سهلين عليا، لأن فعلا عمرى محسيت الإحساس ده قبل كده، أول مرة اتصاب إصابة كبيرة أوى كده تقعدنى الوقت ده كله، مش عارف هتفهموا ولا لأ، بس أنا حياتى كلها فى الرياضة، وشوية الحجات المجنونة اللى بعملها، مينفعش كان يعدى عليا يوم من غير مطور فى نفسى وأحس إنى أحسن من اليوم اللى قبله، الحمد لله فترة اتعلمت منها كتير وبفضل الله مديانى طاقة أكتر بكتير من اللى كانت عندىم، علش قولت افضفض معاكم شوية، اتطمنوا هانت خلاص إن شاء الله، راجعلكم”.
