علقت الفنانة رانيا يوسف، على تعرضها لهجوم كبير من رواد مواقع التواصل الاجتماعي “سوشيال ميديا”، لأنها ارتدت فساتين اعتبروها عارية، وذلك خلال مشاركتها في مهرجان الجونة بدورته الرابعة، التي انتهت أمس الجمعة، واصفةً إياها بأنها “مشاكل حلوة ودمها خفيف”، مضيفةً: “هو لازم يبقى كله غم غم مفيش فرفشة؟! لازم شوية فرفشة”.
وقالت معلقة على على وجود فتحات كثيرة في الفساتين: “مش شايفة إن الفتحات زيادة هي كويسة أوكي، واللي شايفها زيادة المفروض ميبصش، بناتي بيختاروا لي الفساتين، وهم مش بيعترضوا عليها أبدًا، وعمومًا هم اللي بيشجعوني على الشقاوة، وعمومًا شغلي بيتكلم عني، وفي المهرجانات كلنا بنلبس أحلى حاجة عندنا، أومال بيتسمى مهرجان ليه، وعمومًا اللي بيقول تعليق سلبي بشيله من دماغي”.
أما نانسي ابنتها، فأكدت إنها لا تغضب أبدًا من ظهور والدتها بفساتين عارية، مشيرةً إلى أنها تعتبر ان هذا الأمر من صميم عملها: “فستانها في مهرجان الجونة عمل قلبان وأنا لابساه دلوقتي، وأنا عمري ما أتضايق من فساتين ماما لأني لابسة واحد منهم، وعمومًا في ناس كتير اتريقت وقالت كلام وحش عن الفستان بس ده مش بيأثر فيّ”.
